مردان(آئی این پی) اسپیشل پولیس یونٹ مردان ریجن نے کارروائی کے دوران 2 مبینہ دہشت گردوں کو گرفتار کرلیا۔ مردان کے چارسدہ چوک سے اسپیشل پولیس یونٹ کے اہلکاروں نے دو ملزمان کو کالعدم تنظیم حزب التحریر کے نام سے منسوب پمفلٹ تقسیم کرتے ہوئے گرفتار کرلیا۔اسپیشل پولیس یونٹ کے مطابق گرفتار کیے گئے ملازمان میں سے ایک کا تعلق پشاور کے علاقے بڈھ بیر جب کہ دوسرے کا افغانستان سے ہے ، دونوں ملزمان کو خفیہ مقام پر منتقل کرکے تفتیش شروع کردی گئی ہے** پاکستان مسلم لیگ ن کے ڈویژنل جنرل سیکرٹری آصف معراج راجپوت ،سجاد احمد ،زاہد قائمخانی نوشابہ ناز نے کراچی میں خواتین پر حملوں کے سنگین واقعات کو بڑی سازش کا پیش خیمہ قرار دیتے ہوئے کہا کہ خواتین کو نشانہ بنانا خواتین کو گھروں میں قید رکھنے کی دہشتگردوں کی کوشش کا حصہ تو نہیں جو وہ پاکستان سمیت تمام عالم اسلام پر مسلط کرنا چاہتے ہیں حکومت ایک چھلاوے نما مجرم کے سامنے بے بس ہو چکی ہے اور یہ کوشش پاکستان کے سب سے بڑے شہر کی خواتین کو گھروں میں قید کردینے کی سازش نظر آتی ہے جو کسی فرد واحد کا کام نہیں ہو سکتا پولیس اور رینجرز اور متعدد اہم اداروں موجود گی میں دو کروڑ سے زائد شہریوں کو غیر محفوظ بنانے کے پیچھے کوئی منظر گروہ بھی ہوسکتا ہے اور کسی دہشت گردی تنظیم کا ملوث ہونا بھی خارج از امکان نہیں انہوں نے کراچی میں خواتین پر حملوں کی مذمت کرتے ہوئے کہا کہ ناقص حکمرانی کا سن سے بڑا ثبوت عوامکو گھروں تک محدود کرنے کے وہ فیصلے ہیں جن کی بدولت ڈبل سواری پر پابندی لگائی جاتی ہے کبھی موبائل فون بند کیے جاتے ہیں تو کبھی شہر کو کنٹینر لگا کر بند کردیا جاتا ہے سندھ حکومت صوبے کے شہریوں کو تحفظ فراہم کرنے میں ناکام ہو چکی ہے دو ہفتوں کی کاروائیوں کے باوجود سندھ پولیس ایک تنہا مجرم یا اس کے گروہ یا اس مجرمانہ اور گھناؤنے فعل کے مرتکب ملزم کا سراغ یا اسے گرفتار کرنے میں ناکام ہے
انہوں نے وفاقی حکومت سے درخواست کی ہے کہ فوری طور پر کراچی کی خواتین کو تحفظ فراہم کرنے کے لیے اقدامات کیے جائیں **عالمی یوم اساتذہ کے موقع پر میرپورخاص میں محکمہ تعلیم کے ڈائریکٹر کی قیادت میں ریلی نکالی گئی جسمیں اساتذہ نے بڑی تعداد میں شرکت کی تفصیلات کے مطابق عالمی یوم اساتذہ کے موقع پر ڈائریکٹر تعلیم غلام رسول کیریو کی قیادت میں ایک ریلی ڈائریکٹر آفس سے پریس کلب تک نکالی گئی جسمیں شامل اساتذہ نے اپنے ہاتھوں میں بینرز اٹھا رکھے تھے اس موقع پر خطاب کرتے ہوئے ڈائریکٹر غلام رسول کیریو ،ڈی او سید واجد علی شاھ ،گسٹا کے گل حسن لاشاری اور دیگر کا کہنا تھا کہ اساتذہ بچوں کے لیے والدین کی حیثیت رکھتے ہیں اسلیے بچوں کو استاد کی عزت و احترام کرناچاہیئے اور اسکے ساتھ ساتھ اساتذہ کو بھی چاہیئے کہ وہ اپنی ذمہ داری احسن طریقے سے انجام دیں اور طالب علموں کو بہتر تعلیم سے آراستہ کریں تاکہ مستقبل میں یہی طالب علم پڑھ لکھ کر ملک کی ترقی اور خوشحالی میں اپنا کردار ادا کرسکیں اور طالب علموں کو تعلیم کے ساتھ ساتھ غیر نصابی سرگرمیوں میں بھی بڑھ چڑھ کر حصہ دلوائیں تاکہ بچوں میں خود اعتمادی پید اہوسکے* سیکورٹی فورسز کے ساتھ مقابلے میں 2دہشت گرد ہلاک ہو گئے ۔محکمہ انسداد دہشت گردی پنجاب کے مطابق ملتان کے علاقے شیرشاہ بند کے قریب سیکورٹی فورسز کے ساتھ مقابلے میں دودہشت گرد ہلاک ہوگئے۔دہشت گردوں کا تعلق ایک کالعدم تنظیم سے تھا جو حساس تنصیبات پرحملے کی منصوبہ بندی کررہے تھے۔ ان کے قبضے سے دستی بم، رائفلیں اور پستول بھی برآمد ہوئے** ملتان کے علاقے شیر شاہ فلڈ بند کے قریب کاؤنٹر ٹیرارزم ڈیپارٹمنٹ(سی ٹی ڈی) کے ساتھ جمعرات کی علی الصبح مقابلے میں دو دہشت گرد مارے گئے۔سی ٹی ڈی ذرائع نے بتایا کہ سی ٹی ڈی کو مصدقہ اطلاعات موصول ہوئیں کہ شیر شاہ فلڈ بند کے قریب چار سے پانچ دہشت گرد ملتان میں دہشت گردی کی کارروائیوں کی منصوبہ بندی کررہے ہیں جس پر سی ٹی ڈی کی ٹیم نے چھاپہ مارا اور دہشت گردوں کو ہتھیار پھینک کر خود کو حوالے کرنے کا کہا مگر دہشت گردوں نے سی ٹی ڈی پرفائرنگ کردی جس پرسی ٹی ڈی نے بھی جوابی فائرنگ کی۔دودہشت گرد اپنے ساتھیوں کی فائرنگ کی زد میں آکر مارے گئے جبکہ بقیہ دہشت گرد تاریکی کا فائدہ اٹھاتے ہوئے فرارہوگئے۔
مرنے والے دہشتگردوں کی شناخت کی جارہی ہے۔ مرنے والے دہشت گردوں کے قبضے سے تین ہینڈ گرنیڈ،ایک رائفل اور ایک پسٹل برآمد ہوا۔ سی ٹی ڈی نے تحقیقات شروع کردی ہیں* قصورکے نواحی گاؤں اٹھیل پور کے رہائشی مسیح مرداورمسیح عورت نے اسلام قبول کرلیا۔ تفصیلات کے مطابق اٹھیل پورکے رہائشی سوارہ مسیح ولد خورشید مسیح اور فوزیہ بی بی دختر رفیق مسیح نے اسلامی تعلیمات سے متاثرہوکر اسلام قبول کرلیا جنہوں نے قصور کی معروف روحانی شخصیت پیرسیداسلم شاہ بخاری سجادہ نشین آستانہ عالیہ قادریہ عیدے شاہ روڈپر کلمہ پڑھایا اور ان کے اسلامی نام محمد علی حیدراور کنیزفاطمہ رکھے ہیں*ڈسٹرکٹ ایمرجنسی آفیسرڈاکٹر فرزندعلی نے قصورمیں ریسکیو 1122کی ماہانہ کارکردگی کاجائزہ لیا جس کا مقصد ایمرجنسی رسپانس کیلیے بہترہمہ وقت تیاری اورخامیوں کا جائزہ لینا ہے تاکہ پاکستان کی پہلی تربیت یافتہ ایمرجنسی سروس کی کارکردگی کو مزیدبہتربنایا جا سکے، پنجاب ایمرجنسی سروس ریسکیو1122 قصور نے ستمبرکے مہینے میں 1284ریسکیوآپریشنزمیں 1502ایمرجنسی متاثرین کو ریسکیوکیا جن میں سے 195افرادکو موقع پر طبی امداد دی گئی جبکہ 30 افراد مختلف حادثات میں جاں بحق ہوگئے اور اس دوران سروس نے اپنا سات منٹ سے کم اوسط ریکارڈ ریسپانس ٹائم بھی برقراررکھا ہے۔ ستمبرکے مہینے میں قصورمیں آگ کے 16 حادثات میں بروقت کارروائی اورجدید طرزپر فائرفائٹنگ کرتے ہوئے حادثات کو سانحات بننے سے بچایا گیا جس سے شہریوں کو احساس تحفظ فراہم ہوا اس کے علاوہ وزیراعلیٰ پنجاب محمد شہبازشریف کی ہدایت کے مطابق عوام الناس کو بہتر میڈیکل سہولیات اور مفت ایمبولنس سروس کے تحت ضلع قصور میں ریسکیو 1122نے کل 710مریضوں کو لاہور کے مختلف ہسپتالوں میں مفت منتقل کیا جس سے مریضوں کو بروقت اوربہترطبی سہولیات میسرہوئیں۔
