سرگودھا‘ پولیس وین پر فائرنگ،3قیدی جاں بحق، 2اہلکار زخمی

سرگودھا (صباح نیوز) قیدیوں کو پیشی کے لیے لانے والی پولیس وین پر نامعلوم موٹر سائیکل سواروں نے فائرنگ کردی جس کے نتیجے میں3 قیدی موقع پر ہی ہلاک جبکہ 2 پولیس اہلکار زخمی ہوگئے۔ پولیس نے واقعے کی تحقیقات کے لیے ٹیم تشکیل دے دی ہے ۔تفصیلات کے مطابق پولیس وین قیدیوں کو پیشی کے لیے عدالت لے جارہی تھی کہ راستے میں نامعلوم موٹرسائیکل سوار ملزمان نے فائرنگ شروع کردی‘ نامعلوم مسلح افراد موقع سے فرار ہوگئے ‘پولیس کی جانب سے واقعے کی اطلاع ملتے ہی اعلیٰ افسران پہنچ گئے اسی اثنا میں پولیس کی جانب سے ضلع بھر کی ناکا بندی کردی گئی تاہم آخری اطلاع آنے تک ملزمان کا کوئی سراغ نہ لگ سکا۔