سعودی شاہی محل پر حملہ،چیک پوسٹ پر موجود2اہلکار ہلاک3زخمی

جدہ(صباح نیوز) سعودی وزارت داخلہ کی جانب سے جاری بیان کے مطابق گاڑی میں سوار حملہ آور نے جدہ میں شاہی محل کے قصر السلام گیٹ پر واقع چیک پوسٹ پر خودکار ہتھیاروں سے حملہ کیا جس کے نتیجے میں رائل فورس کے 2 گارڈز جاں بحق اور 3 زخمی ہو گئے۔ سیکورٹی اداروں کی بروقت جوابی کارروائی میں حملہ آور بھی مارا گیا جبکہ حملہ آور کی گاڑی سے کلاشنکوف اور 3 دستی بم بھی برآمد ہوئے۔ ہلاک حملہ آور کی شناخت 28 سالہ منصور الاامری کے نام سے ہوئی ہے جو سعودی شہری ہے۔سعودی وزارت داخلہ کے ترجمان کے مطابق منصور الاامری کا کوئی کرمنل ریکارڈ نہیں ہے اور نہ ہی اس کا کسی دہشت گرد گروہ سے کوئی تعلق سامنے آیا ہے تاہم واقعے کی تحقیقات کا آغاز کر دیا گیا ہے۔