الیکشن سے پہلے

اس دفعہ الیکشن سے پہلے ہم حکومت سے مطالبہ کرتے ہیں کہ تمام پارٹیاں الیکشن سے پہلے تو بہت دعوے کرتی ہیں کہ ہم اقتدار میں آئیں گے تو آپ کے تمام مسئلے مسائل حل کردیں گے مگر جب یہ اقتدار میں آجاتے ہیں تو تمام دعوے دھرے کے دھرے رہ جاتے ہیں۔ میری حکومت وقت سے گزارش ہے کہ اس دفعہ الیکشن سے پہلے تمام سڑکیں بنائی جائیں اور کراچی سے کچرا کنڈی صاف کی جائیں اور اگر الیکشن سے پہلے یہ کام ہوا تو ہم ووٹ ڈالیں گے ورنہ پھر ہم ووٹ نہیں ڈالیں گے، میں یہ اپیل کرتی ہوں عوام کی طرف سے کہ اس تجویز پر غور کیا جائے۔
بجلی، پانی کا تو رونا نہیں رو رہے مگر اس وقت کراچی کی سڑکیں بہت بری حالت میں ہیں اور گندگی کی وجہ سے بیماریاں پھیلتی ہیں اور موت واقع ہوتی ہے، جیسے ڈینگی، چکن گونیا جیسی بڑی بیماریوں سے لڑتے ہوئے آخر وہ مر جاتا ہے۔ لہٰذا کراچی پر خصوصی طور پر توجہ دی جائے کہ کم از کم ووٹ دینے کے لیے عوام سکون سے آسکیں۔
محمودہ انیس