تیسر ٹاؤن کے الاٹیز کی اپیل

ملیر ڈولپمنٹ اتھارٹی نے 10 سال قبل کم آمدنی والے بے گھر افراد کی آبادکاری کے لیے تیسر ٹاؤن اسکیم نمبر 45 میں قرعہ اندازی کی تھی، قرعہ اندازی میں کامیاب امیدواروں نے پلاٹوں کی رقم کی مکمل ادائیگی کردی لیکن ایک طویل عرصہ گزر جانے کے باوجود وہاں الاٹیوں کو ان کے پلاٹوں کا قبضہ نہیں دیا جارہا ہے۔ الاٹمنٹ کی محرومی سے مایوسی پیدا ہورہی ہے۔ ملیر ڈولپمنٹ اتھارٹی کے اعلیٰ حکام سے اپیل ہے کہ وہ اس اسکیم کے ترقیاتی کاموں کے مکمل کرنے کے بلند بانگ دعوے اخبارات میں کرتے ہیں لیکن ان کے الاٹیز کو 10 سال سے زائد کا عرصہ گزر جانے کے باوجود ان کے پلاٹوں کے الاٹمنٹ آرڈر اور قبضہ نہ دے کر مکینوں کو سہولت کے بجائے مشکلات پیدا کی جارہی ہیں۔
عمران حنفی، نارتھ کراچی