کراچی
پاکستان اسٹینڈرڈ کوالٹی کنٹرول اتھارٹی نے سندھ اور بلوچستان کے مختلف شہروں میں غیر معیاری کوکنگ آئل اور منرل واٹر کمپنیوں پر چھاپے مارکر غیر معیاری کنگ آئل کی دس کمپنیوں کے لائسنس منسوخ کردیے اور منرل واٹر کی 26 کمپنیاں بھی سیل کردی گئی ہیں۔ پی ایس کیو سی اے کے مطابق ٹیموں نے حب، روہڑی ، سکھر ، حیدرآباد، اور کراچی کی مختلف فیکٹریوں پر چھاپے مارے ، 104 نمونے حاصل کیے گئے ، لیبارٹری ٹیسٹ کے مطابق مذکورہ کمپنیوں کی جانب سے غیر معیاری کوکنگ آئل اور پانی کی بوتلیں فروخت کی جارہی تھیں۔ جو صحت کے اصولوں کے خلاف تھیں۔ مذکورہ فیکٹریز کو سیل کیاگیا ہے ، اور ان کے لائسنس بھی منسوخ کیے گئے ہیں۔ ترجمان کے مطابق پاکستان اسٹینڈرڈ کوالٹی کنٹرول اتھارٹی کی جانب سے کراچی کے مختلف علاقوں پورٹ قاسم میں کسان بناسپتی، کنولہ آئل، ایم ایم گھی، انداز کوکنگ آئل ، کسان کوکنگ آئل، مولوی کوکنگ آئل ،انڈس کوکنگ آئل ، سپریم بناسپی، اور ریما بناسپتی سمیت 26 کمپنیاں غیر معیاری کوکنگ آئل تیار کررہی تھی ، جن میں کچھ کمپنیز کے پاس تو لائسنس ہی نہیں تھے۔ ان تمام کمپنیز کے خلاف کارروائی کی گئی ہے اور مزید کمپنیز کے خلاف کارروائی جاری رہے گی۔
