سائنس ڈیسک
جدید ٹیکنالوجی اور ایپل کی مصنوعات کے شائقین کے لیے خوشخبری یہ ہے کہ ایپل کا جدید اور منفرد وائرلیس اسپیکر ’ہوم پوڈ‘ 9 فروری سے ’ایپل اسٹورز‘ پر دستیاب ہوگا، جس کے آن لائن آرڈر کا آغاز امریکا، برطانیہ اور آسٹریلیا میں 26 جنوری سے ہوچکا ہے۔ تاہم، ہوم پوڈ فرانس اور جرمنی میں رواں سال موسم بہار میں ہی مل سکے گا۔
ہوم پوڈ کی خوبی یہ ہے کہ اس کا استعمال آسان ہے اور وہ موسیقی کے شائقین کو بہترین کوالٹی میں میوزک فراہم کرتا ہے۔ ہوم پوڈ آپ کو دنیا کی سب سے بڑی کلاؤڈ میوزک لائبیریری تک رسائی فراہم کرتا ہے۔
ہوم پوڈ ایپل کی ایک اور ڈیوائس سری کے ساتھ منسلک ہونے کے بعد آپ کو ڈیجیٹل دنیا کی کئی جدید ترین سہولتیں فراہم کرتا ہے۔ سری اپیل کا تیار کردہ پرسنل اسسٹنٹ ہے جو مصنوعی ذہانت پر کام کرتا ہے۔ یہ آلہ اس وقت ایک کروڑ سے زیادہ آلات میں استعمال کیا جا رہا ہے۔
’ہوم پوڈ سری کے ساتھ مل کر آپ کو میسج بھیج سکتا ہے۔ وقت کی درستگی کر سکتا ہے۔ پوڈکاسٹ کو چلا سکتا ہے۔ آپ اس کے ذریعے کھیلوں، ٹریفک اور موسم کے متعلق تازہ ترین خبریں اور معلومات حاصل کر سکتے ہیں۔ حتیٰ کہ آپ اس کی مدد سے اپنے گھر کے ان جدید آلات کو بھی کنٹرول کر سکتے ہیں جو ڈیجیٹل ٹیکنالوجی پر کام کرتے ہیں۔
ہوم پوڈ کا کنٹرول بہت آسان ہے۔ آپ اسے محض چھو کر بھی استعمال کر سکتے ہیں، کیونکہ وہ ٹچ ٹیکنالوجی پر کام کرتا ہے۔
اپیل میوزک لائبیری کے سبسکرائبرز ساڑھے 4 کروڑ گانوں تک رسائی حاصل کر سکتے ہیں، جن میں آئی ٹیونز بھی شامل ہیں اور مزے کی بات یہ ہے کہ یہ گانے اشتہاروں سے پاک ہیں۔
ہوم پوڈ ایپل کی قیمت 349ڈالر ہے اور یہ سفید اورسرمئی رنگوں میں دستیاب ہے۔
