کراچی۔ چیئر مین ڈسٹرکٹ میونسپل کارپوریشن ساؤتھ ملک محمد فیاض نے کہا کہ کراچی پریس کلب زریں اور جمہوری روایات کا علمبردار ادارہ ہے جس نے ہمیشہ پاکستان میں جمہوریت کی پاسداری اور مضبوطی کے لئے فعال کر دار اداکیا ہے۔
انہوں نے ان خیالات کا اظہار کراچی پریس کلب کے دورے پر موقع پر کلب کی عہدیداران اور گورننگ باڈی کے اراکین سے گفتگو کرتے ہوئے کیا کراچی پریس کلب کے صدر احمد خان ملک، سیکرٹری مقصود احمد یوسفی ، اراکین گورننگ باڈی سعید سربازی، کفیل الدین فیضان، نعیم سہوترا او ر اراکین پر یس کلب نے ان کا استقبال کیا
چئرمین ڈی ایم سی جنوبی ملک محمد فیاض نے کہا یہ کراچی کے ضلع جنوبی کی خوش قسمتی ہے کہ تابندہ جمہوری روایات کا علمبردار کراچی پریس کلب اس کی ضلعی حدود میں واقع ہے۔انہوں نے کہا کہ جمہوریت پسندوں کے لئے ہمیشہ کراچی پریس کلب نے ایک قلعے کا کردار ادا کیا
جہاں سے ملک میں جمہوریت اور آئین کی سربلندی کے لئے توانا اور مضبوط آوازیں بلند ہوئی ہیں کراچی پریس کلب کے عہدیداران کی جانب سے چےئرمین ڈی ایم سی جنوبی ملک محمد فیاض کو کراچی پریس کلب میں ترقیاتی کاموں کے بارے میں بھی آگاہ کیا گیااس موقع پر چےئرمین ساؤتھ ملک محمد فیاض نے تین لاکھ گرانٹ کا چیک بھی کراچی پریس کلب کی گورننگ باڈی کو پیش کیا اور مستقبل میں بھی ہر ممکنہ تعاون کی یقین دہانی کرائی۔
