کراچی ( اسٹاف رپورٹر ) کراچی ٹریفک پولیس نے مورخہ 25 مارچ 2018 بروز اتوار نیشنل اسٹیڈیم کراچی میں پی ایس ایل کا کھلیے جانے والے فائنل میچ کے لیے خصوصی ٹریفک پلان مرتب کیا ہے جس میں متبادل راستوں کا تعین بھی کیا گیا ہے۔ اس ضمن میں کراچی شہر کے مختلف علاقوں سے نیشنل اسٹیڈیم آنے والے شائقین جن کے پاس میچ کے ٹکٹ ہوں گے انکے لیے پارکنگ کرنے کے لئے اصل شناختی کارڈ و میچ کا ٹکٹ دکھانا لازمی ہوگا۔
جبکہ پارکنگ کے مقامات اور اس کے راستوں میں گراؤنڈ نزد حکیم سعید پارک، اردو یونیورسٹی گراؤنڈ اور اتوار بازار گراؤنڈ بالمقابل بیت المکرم مسجد (یونیورسٹی روڈ) کو رکھا گیا ہے ،ضلع وسطی(سینٹرل) اور غربی (ویسٹ )کے رہائشی براستہ نیپا اور لیاقت آباد نمبر 10۔حسن اسکوائر سے بائیں جانب یونیورسٹی روڈ پر درج بالا مقامات پر اپنی گاڑی / موٹر سائیکل پارک کریں اور بزریعہ شٹل بس انہیں ایکسپو سینٹرکے پاس لایا جائے گا۔ضلع ملیر اور شرقی (ایسٹ )کے رہائشی براستہ صفورا، نیپا اور سہراب گوٹھ ، گلشن چورنگی بائیں جانب اے جی سند ھ یو ٹرن ، نیپا سے یونیورسٹی روڈ پر درج بالا مقامات پر اپنی گاڑی / موٹر سائیکل پارک کریں اور بزریعہ شٹل بس انہیں ایکسپو سینٹرکے پاس لایا جائے گا۔ اسی طرح غریب نواز فٹبال گراؤنڈ نز د ملینئیم مال گراونڈ میں ضلع شرقی(ایسٹ) اور ملیر کے رہائشی براستہ ڈرگ روڈ اور راشد منہاس روڈ ۔ ملینئیم مال سے بائیں جانب اسٹیڈیم روڈ (جانب ڈالمیا) پر درج بالا گراؤنڈ میں اپنی گاڑی / موٹر سائیکل پارک کریں اور بزریعہ شٹل بس انہیں بحریہ یونیورسٹی اسٹیڈیم روڈلایا جائے گا۔
ضلع جنوبی (ساؤتھ) ، سٹی ، غربی(ویسٹ) اور کورنگی و ڈیفنس کے رہائشی براستہ شارع فیصل۔شارع قائدین۔ اللہ والی چورنگی۔ سوسا ئٹی سگنل سے دائیں جانب کشمیر روڈ زسے درج بالا گراؤنڈ میں اپنی گاڑی / موٹر سائیکل پارک کریں اور بزریعہ شٹل بس انہیں فاطمہ جناح کالج بالمقابل آغا خان ہسپتال گیٹ نمبر 3 لایا جائے گا۔ضلع وسطی (سینٹرل ) اور غربی(ویسٹ) کے رہائشی براستہ ناظم آباد، لسبیلہ ، گرومندر ، پی پی چورنگی سے جانب عائشہ عزیز چورنگی سے کشمیر روڈ پر درج بالا گراؤنڈز پر اپنی گاڑی / موٹر سائیکل پارک کریں اور بزریعہ شٹل بس انہیں فاطمہ جناح کالج بالمقابل آغا خان ہسپتال گیٹ نمبر 3لایا جائے گا۔متبادل راستوں میں شارع فیصل سے براستہ حبیب ابراہیم رحمت اللہ روڈ جانب سر شاہ سلیمان روڈعام پبلک کو جانے کی اجازت نہیں ہوگی۔
کارساز , ڈرگ روڈ شارع فیصل سے بائیں جانب راشد منہاس روڈ، ملینیم سے نیپا اور اسی طرح ائر پورٹ سے آنے والے حضرات ڈرگ روڈ سے دائیں جانب راشد منہاس روڈ، ملینیم اور نیپا راستہ اختیار کر سکتے ہیں۔جبکہ راشد منہاس روڈ سے اسٹیڈیم براستہ ڈالمیا روڈ عام پبلک کو جانے کی اجازت نہیں ہوگی۔ نیپا ، عسکری IV، ڈرگ روڈ سے شارع فیصل یا ملینیم ، نیپا سے صفورا یا گلشن چورنگی سے سہراب گوٹھ کا راستہ اختیار کر سکتے ہیں۔نیپا سے پی پی چورنگی تک عام پبلک کو جانے کی اجازت نہیں ہوگی۔ نیپا ، گلشن چورنگی سے سہراب گوٹھ یا صفورہ، نیپا ،بائیں جانب راشد منہا س روڈ، ملینیم ، ڈرگ روڈ سے شارع فیصل کا راستہ اختیار کر سکتے ہیں۔پی پی چورنگی سے نیپا تک عام پبلک کو جانے کی اجازت نہیں ہوگی۔ شارع قائدین سے مزار قائد یا خداد کالونی فلائی اوور ریمپ سے بائیں جانب صدر اور اسی طرح گرومندرچورنگی ، پی پی چورنگی سے دائیں جانب صدر یا عائشہ عزیز چورنگی سے دائیں جانب شارع قائدین کا راستہ اختیار کر سکتے ہیں۔کشمیر روڈ عائشہ عزیز چورنگی سے جیل فلائی اوور تک عام پبلک کو جانے کی اجازت نہیں ہوگی۔
شارع قائدین سے مزار قائد یا خداد کالونی فلائی اوور ریمپ سے بائیں جانب صدر اور اسی طرح گرومندرچورنگی ، پی پی چورنگی سے دائیں جانب صدر یا عائشہ عزیز چورنگی سے دائیں جانب شارع قائدین کا راستہ اختیار کر سکتے ہیں۔شہید ملت روڈ پر جیل فلا ئی اوور عوام کے استعمال کے لئے کھلارہے گا۔ جبکہ شہید ملت سے جیل فلائی اوور پر ریمپ جانب نیو ٹاؤن تھانہ / حسن اسکوائر بند ہوگا۔تین ہٹی ، جمشید روڈ سے آنے والے حضرات جو جیل روڈ سے ہوتے ہوئے یونیورسٹی روڈ آنا چاہیں۔انہیں یونیورسٹی روڈ کی جانب آنے کی جازت نہیں ہوگی۔ انہیں سینٹرل جیل کے سامنے سے جمشید روڈ کی جانب دوبارہ موڑ دیا جائے گا۔
سر شاہ سلیما ن روڈ پر لیاقت آباد نمبر 10سے اسٹیڈیم تک عام پبلک کو جانے کی اجازت نہیں ہوگی۔ لیاقت آباد نمبر 10 سے بائیں جانب کریم آباد یا دائیں جانب ڈاکخانہ ، تین ہٹی کی جانب جاسکتے ہیں۔واضح رہے کہ ضلع وسطی (سینٹرل)، شرقی (ایسٹ)، ملیر ، جنوبی(ساؤتھ) اور غربی(ویسٹ) والے حضرات لیاری ایکسپریس وے مرزا آدم خان چوک ، ماڑیپور تا سہراب گوٹھ دونوں جانب استعمال کرسکتے ہیں۔ ہیوی ٹریفک: سہراب گوٹھ سے جانب نیپا۔ لیاقت آباد نمبر 10 سے جانب حسن اسکوائر۔ پی پی چورنگی سے جانب یونیورسٹی روڈ ہر قسم کی ہیوی ٹریفک کا داخلہ ممنوع ہوگا۔
اس سلسلے میں ٹریفک پولیس نے عوام الناس سے گزارش کی ہے کہ زحمت و پریشانی سے بچنے کیلئے قانون نافذ کرنے والے اداروں اور ٹریفک پولیس سے تعاون کریں۔ درج بالا ہدایات پر عمل کریں۔اپنی گاڑیوں /موٹر سائیکلوں کو کسی سروس روڈ یا مین روڈ پر کھڑی نہ کریں بلکہ دئیے گئے پارکنگ مقامات پر ہی پارک کریں۔کسی بھی پریشانی کی صورت میں رہنمائی کیلیے ٹریفک پولیس راہنما 1915 ملائیں جہاں ہمارے نمائندے آپکی رہنما ئی کے لئے موجود ہیں یا ہمارے سوشل میڈیا یونٹ (فیس بک www.facebook.com/karachitrafficpolice۔ واٹس ایپ 03059266907۔ یا ایف ایم ریڈیو 88.6 )سے تازہ ترین اپ ڈیٹ حاصل کرتے رہیں۔
