سرحدی کشیدگی‘ ڈی جی ایم او کا بھارتی ہم منصب سے ہاٹ لائن پر رابطہ

راولپنڈی (اے پی پی)ڈی جی ایم او پاکستان نے شہری آبادی کو نشانہ بنانے کا معاملہ ڈی جی ایم او بھارت کے ساتھ اٹھاتے ہوئے کہا ہے کہ بھارت الزام تراشیکیبجائے اپنا قبلہ درست کرے، دیر پا امن کے لیے بھارت ایل او سی اور ورکنگ باؤنڈری پر سیز فائر معاہدوں کی پابندی کرے۔ ہفتہ کو آئی ایس پی آر کی جانب سے جاری بیان کے مطابق پاکستان کے ڈائریکٹر جنرل ملٹری آپریشنز نے بھارت کے ڈی جی ایم او کے ساتھ ہاٹ لائن پر رابطہ کیا اور فائر بندی معاہدے کی خلاف ورزی کا معاملہ اٹھایا۔ ڈی جی ایم او پاکستان نے شہری آبادی کو نشانہ بنانے کا معاملہ بھی اٹھایا۔ رواں سال اب تک بھارتی فائرنگ سے 219 معصوم شہری شہید ہو چکے ہیں، ان شہداء میں 112 خواتین اور 20 بجے شامل ہیں۔ ڈی جی ایم او پاکستان نے کہا کہ ایسے غیر پیشہ وارانہ اور غیر اخلاقی اقدامات امن کی راہ میں رکاوٹ ہیں، بھارت الزام تراشی کی بجائے اپنا قبلہ درست کرے، دیر پا امن کے لیے بھارت ایل او سی اور ورکنگ باؤنڈری پر سیز فائر معاہدوں کی پابندی کرے۔