کراچی: سندھ اسمبلی میں پاکستان تحریک انصاف نے اپوزیشن لیڈر کے لیے ناموں پر غور شروع کردیا ۔فردوس شمیم نقوی قائد حزب اختلاف کے مضبوط ترین امیدوار ہیں۔
سندھ اسمبلی میں تحریک انصاف 23 نشستوں کے ساتھ دوسری سب سے بڑی جماعت بن کر سامنے آئی ہے جب کہ ایم کیو ایم کو 16 اور گرینڈ ڈیموکریٹک الائنس کو 11 نشستیں حاصل ہیں۔
ذرائع کے مطابق چیئرمین تحریک انصاف عمران خان سے گزشتہ روز سندھ کے رہنماوں نے بنی گالہ میں ملاقات کی جس کے دوران صوبے میں اپوزیشن لیڈر کے لیےعمران اسماعیل،خرم شیر زمان اور فردوس شمیم نقوی کے ناموں پر غور کیا گیا۔
عمران خان نے اپوزیشن لیڈر سندھ کے لیے تینوں ناموں میں فردوس شمیم نقوی نے نام کو فائنل کردیا جب کہ اپوزیشن لیڈر کے لیے ایم کیو ایم، جی ڈی اے اور دیگر جماعتوں سے بھی رابطہ کیا جائے گا۔
