ٹیپو سلطان فلائی اوور بھی وی آئی پی کلچر کی نذر ہوگیا ،پل تعمیر ہوئے کئی دن گزر گئے لیکن ٹریفک کیلئے نہیں کھولاجاسکا،وزیراعلی سندھ مراد علی شاہ کو بھی بتادیاگیاکہ فلائی اوور مکمل ہے۔
ٹیپوسلطان فلائی اوور کی تعمیرمکمل ہو گئی لیکن ٹریفک کے لئے کھولا نہیں جاسکا۔فلائی اوور کی تعمیرمکمل ہوئے کئی دن گزرگئے۔لیکن سندھ سرکار کے پاس افتتاح کیلئے وقت نہیں۔
ذرائع کے مطابق سندھ حکومت کوفلائی اوور کے افتتاح کیلئے وی آئی پی شخصیت نہیں مل رہی ، فلائی اوورٹریفک کیلئے نہ کھولنے سے روزانہ شام میں بدترین ٹریفک جام ہوجاتاہے۔
جب کہ شہریوں کا کہنا ہے کہ جب فلائی اووربن رہاتھاتب تو ٹریفک جام میں پھنستے تھے اب تعمیرمکمل ہونے کے بعد فلائی اوور نہ کھولے جانے کی وجہ سے بھی ٹریفک میں پھنس جاتے ہیں۔دوسری جانب وزیراعلیٰ سندھ کو ترقیاتی کاموں سے متعلق اجلاس میں بھی بتایاگیاکہ فلائی اوورکی تعمیرمکمل ہوچکی ہے۔
