گورنر سندھ عمران اسماعیل جمعہ 12 اکتوبر کو ڈاؤ یونیورسٹی آف ہیلتھ سائنسز کے زیِراہتمام صحت سے متعلق ہونے والی سائنسی پروجیکٹس کی نمائش ڈائس ہیلتھ انویشن ایگز یبیشن 2018 کا افتتاح کرینگے۔
یہ دو روزہ ایگزیبیشن امریکی این جی او”ڈائس” کے اشتراک سے ایکسپو سینٹرمیں منعقد کی جائے گی
ڈائس کے انتظامات کا جائزہ لینے کے ڈاؤ یونیورسٹی کے اوجھا کیمپس میں اجلاس منعقدہوا ۔اجلاس میں بتایا گیا کہ گورنر ہاؤس سے شرکت کی تصدیق کے بعد اس ضمن میں انتظامات کو حتمی شکل دے دی گئی ہے جبکہ نمائش میں شرکت کے لیے امریکہ سے ڈائس فاؤنڈیشن کا وفد بھی جلد ہی کراچی پہنچ رہا ہے۔
اس نمائش میں ملک بھر کی 35 سے زائد جماعت کے 150 طلباء کے ریسرچ بیسڈ پروجیکٹس نمائش کے لیے رکھے جائیں گے۔
نمائش میں مفت میڈیکل اور ڈینٹل کیمپ کے علاوہ ورکشاپ اور سمینارز بھی منعقد کئے جائینگے۔
نمائش میں ڈاؤ یونیورسٹی کے اٹھارہ انسٹیٹیوٹس کے علاوہ صوابی کے غلام اسحاق خان انسٹیٹیوٹ سمیت ملک کے طول و عرض سے مختلف جامعات سے طلبا اپنے پروجیکٹس کے ساتھ شرکت کررہے ہیں، جبکہ ملایئشیا کی 2جامعات اور چین کے تعلیمی اداروں سے بھی طلبا اپنے پروجیکٹ سے ساتھ شرکت کر رہے ہیں۔
