سوئٹزرلینڈ: پاکستانی نشانہ بازوں کو ویزا نہ جاری کرنے پر انٹرنیشنل اولمپک کمیٹی ( آئی او سی) نے بھارت کو مستقبل کی میزبانی دینے سے انکار کر دیا۔
تفصیلات کے مطابق 2020 میں ہونے والے اولمپکس مقابلوں کے لیے بھارت میں منعقدہ کوالیفائر میچز میں حصہ لینے والے دو پاکستانی نشانہ باز جی ایم بشیر اور خلیل احمدنے ویزا کے لیے اپلائی کیا تھا چناچہ پلوامہ حملے کے باعث بھارت نے پاکستان سے دشمنی نکالتے ہوئے نشانہ بازوں کو ویزا جاری کرنے سے انکار کر دیا۔
ویزا نہ جاری کرنے کی وجہ سےآئی او سی ایگزیکٹو بورڈ نے بین الاقوامی فیڈریشنز سے بھی بھارت کو ایونٹس کی میزبانی نہ دینے کا کہہ دیا اور کہا ہے کہ جب تک بھارت کھیلوں میں تعصب کا خاتمہ اور اولمپک چارٹر کی پابندی یقینی نہیں بناتا مستقبل میں بھی ایونٹس کی میزبانی نہ دی جائے۔
آئی او سی نے بھارت میں ہونے والے شوٹنگ ورلڈ کپ کے 25 میٹر ریپڈ فائر ایونٹ کا اولمپک کوالیفائر کا درجہ بھی دستبردار کردیا ہے۔آئی او سی کی جانب سے انٹرنیشنل فیڈریشن سے بھی سفارش کی گئی کہ بھارت میں اُس وقت تک اولمپکس مقابلوں کا انعقاد نہ کیا جائے جب تک وہ مذکورہ شرائط پر پورا نہ اترے۔
