گوجرانوالہ : ریس کورس روڈ پر تین روز قبل ہونے والی ڈکیتی کی واردات میں ملوث ملزم کو پولیس نے گرفتار کر لیا ہے۔
سی پی او گوجرانوالہ ڈاکٹر معین مسعود کے مطابق گرفتار ملزم نے واردات کا اعتراف کرلیا ہے اور اس سے سونا اور نقدی بھی برآمد کر لی گئی ہے۔
ملزم کا کہنا ہے کہ واردات کے وقت گھر میں صرف ملازم موجود تھا۔ واردات میں پلاسٹک کے پستول کا استعمال کیا اور ملازم کو پستول سے ڈرا کر باتھ روم میں بند کر دیا۔ یاد رہے تین روز قبل گوجرانوالہ میں فیکٹری مالک عبد الحمید کے گھر ہونے والی ڈکیتی میں دو کڑور ستر لاکھ مالیت کا سونا اور نقدی ڈکیتوں کے ہاتھ لگا تھا۔
