کراچی(اسٹاف رپورٹر) ڈپٹی میئر کے انتخاب کے لیے ووٹنگ کا عمل مکمل ہوگیا ہے اور ووٹوں کی گنتی بھی مکمل ہو گئی ہے۔
غیر حتمی غیر سرکاری نتا یج کے مطابق ڈپٹی مئیر کے ضمنی انتخابات میں ایم کیو ایم کے امیدوار ارشد حسن 194 ووٹ لے کر کامیاب ،پی پی پی کے کرم اللہ وقاصی 78 ووٹ حاصل کرسکیں ،جبکہ7ووٹ مسترد ہوئے ہے،
الیکشن کمیشن پاکستان (ای سی پی) کے ذرائع کے مطابق کل 281 ووٹ کاسٹ کئے گئے، پہلا ووٹ مسلم لیگ کے امان آفریدی نے سوا نو بجے ڈالا۔
ذرائع ای سی پی کے مطابق آخری ووٹ ایم کیو ایم کے خرم فرحان نے پونے پانچ بجے ڈالا
بلدیہ عظمیٰ کراچی میں ڈپٹی میئر کے ضمنی انتخاب کے لیے ووٹنگ کا سلسلہ شروع آج صبح شروع ہوا تھا جو شام پانچ بجے تک جاری رہا۔
شہر قائد میں ڈپٹی میئر کی نشست سابقہ ڈپٹی میئر ارشد وہرہ کے نااہل قرار دیے جانے پر خالی ہوئی تھی۔ ارشد وہرہ فلور کراسنگ کے قانون کی زد میں آئے تھے۔
ڈپٹی میئر کے انتخاب کے لیے ایم کیو ایم پاکستان نے ارشد حسن کو اپنا امیدوار نامزد کیا ہے ،جب کہ سندھ کی حکمران جماعت پاکستان پیپلز پارٹی کی جانب سے کرم اللہ وقاصی امیدوار تھے۔
قواعد و ضوابط کے مطابق پولنگ صبح 9 بجے سے شام پانچ بجے تک کے ایم سی کونسل ہال میں ہوئی۔ بلدیہ عظمیٰ کراچی سٹی کونسل کی 73 خواتین سمیت 300 اراکین اپنا حق رائے دہی استعمال کیا۔
ایم کیو ایم پاکستان کے ارشد حسن بلدیاتی انتخابات میں یو سی 150 24 اور پاکستان پیپلز پارٹی کے کرم اللہ وقاصی یو سی ۔31 سے چیئرمین منتخب ہوئے تھے۔
الیکشن کمیشن آف پاکستان نے سابقہ ڈپٹی میئر ارشد وہرہ کو نااہل قرار دیا تھا۔ انہوں نے اپنی سیاسی جماعت تبدیل کرتے ہوئے پاک سرزمین پارٹی میں شمولیت اختیار کرلی تھی۔
