اسٹیٹ بینک آف پاکستان کے اعلامیہ کے مطابق آج یکم رمضان المبارک کو زکوۃ کی کٹوتی کے سلسلے میں ملک بھر کے تمام بینک بند ہیں۔
اسٹیٹ بینک کے مطابق آج تمام بینک اور مالیاتی ادارے عوام سے لین دین کے لیے بند رہیں گے البتہ بینکوں کے ملازمین کو اس موقع پر چھٹی نہیں ہوگی۔ عوامی لین دین کے لیے بینکوں کے بند ہونے کی وجہ یہ ہے کہ اسٹیٹ بینک نے یکم رمضان المبارک کو زکوۃ کی کٹوتی کرنے کا اعلان کیا تھا۔
یاد رہے کہ رواں سال اسٹیٹ بینک کی جانب سے زکوۃ کا نصاب 44,415 روپے مقرر کیا گیا ہے اور اتنی رقم کے مالک افراد کے بینک اکاؤنٹ سے زکوۃ ازخود منہا کر لی جائے گی۔
