بھارت نے سری نگر مظفرآبادبس سروس ایک بار پھر ملتوی کر دی

چناری (آن لائن) بھارت نے آئندہ ہفتے 20 مئی کے روز چلنے والی سری نگر مظفرآبادبس سروس ایک بار پھر ملتوی کر دی، 81روز سے بس سروس کی مسلسل معطلی کے باعث دونوں جانب سفر کے خواہشمند مسافروں کی تشویش اور مایوسی میں دن بدن اضافہ آر پار ٹریول سینٹروں کی رونقیں ماند پڑ گئیں۔ تفصیلات کے مطابق بھارتی حکام نے آئندہ ہفتے پیر20 سیچلنے والی سری نگر مظفرآباد بس سروس کو اچانک بغیر وجہ بتائے معطل کر دیا ہے۔ جمعہ کے روز سرینگر پاسپورٹ آفس نے ایک ای میل کے ذریعے آزاد کشمیر حکام کو آئندہ ہفتے 20 مئی کی بس سروس کی معطلی کے بارہ میں باقاعدہ آگاہ کیا۔ ڈائریکٹر ٹریول اینڈ ٹریڈاتھارٹی آزاد کشمیر شاہد احمد نے صحافیوں کو بتایا کہ آزاد کشمیر اتھارٹی ہر وقت سری نگر مظفرآباد بس اور تجارت کرنے کے لیے تیار ہے لیکن بھارتی حکام نے 25 فروری سے بس سروس اور 8مارچ سے تجارت معطل کر رکھی ہے۔