کراچی (رپورٹ:منیر عقیل انصاری) روزنامہ جسارت کے 49ویں یوم تاسیس کے حوالے سے ایک پروقار تقریب کا انعقاد کیاگیا، تقریب کا آغاز نیوز ایڈیٹر حسن احمد کی تلاوت کلام پاک سے ہوا ، چیف رپورٹر واجد حسین انصاری نے نعت رسول مقبول پیش کی،نظامت کے فرائض جسارت کے ڈائریکٹر ما رکیٹنگ سید طاہر اکبر نے انجام دیے،تقریب میں نمایاں کارکردگی کا مظاہرہ کرنے
والے کارکنان جسارت کو اعزازی شیلڈ پیش کی گئیں۔ تقریب میں جسارت کے چیف ایڈیٹر اطہر ہاشمی، چیف ایگزیکٹو ڈاکٹر واسع شاکر، ڈپٹی چیف ایگزیکٹو عبدالرحمن، چیف آپریٹنگ آفیسر محمد اکرم قریشی،سیکر ٹر ی جنرل اے پی این ایس سرمد علی،مشیر اطلاعات سندھ مرتضیٰ وہاب ،پاکستان تحریک انصاف کے رہنما اور لیڈر آف اپوزیشن فردوس شمیم نقوی، پاکستان پیپلز پارٹی کے حبیب الدین جنیدی، تنظیم بحالی کمیٹی ایم کیوایم ڈاکٹر فاروق ستار،ایم کیوایم کے محفوظ یار خان،پاک سرزمین پارٹی کی آسیہ اسحاق، فنگشنل مسلم لیگ سندھ کے جنرل سیکر ٹری ، جی ڈی اے کے رہنما سردار عبدالرحیم،مسلم لیگ (ن) سندھ کے صدر شاہ محمد شاہ اور اکبر گجر،سینئر صحافی وتجز یہ کار نصرت مرزا،جماعت اسلامی کے رہنما راجا عارف سلطان، یونس بارائی، جماعت اسلامی کے سابق رکن قومی اسمبلی محمد لئیق خان، امیر جماعت اسلامی ضلع غربی محمد اسحق خان، مولانا فضل احد، نائب امیر ضلع کورنگی، مرزا فرحان بیگ جماعت اسلامی کراچی کے سیکرٹری اطلاعات زاہد عسکری، اسٹیٹ بینک یونین کے صدر لیاقت علی ساہی، پیٹرن ان چیف آباد محسن شیخانی، چیئرمین آبادحسن بخشی ،انور دائود سینئر وائس چیئرمین ،عبدالکریم آڈھیاوائس چیئرمین ،اشرف حمید،معروف بلڈرز(ایمپل ٹاور)،علی رتاڈیا معروف بلڈرز،ذیشان سلیم ذکی صائمہ بلڈرز (چیئرمین) بلال میٹرومیڈیا چیئرمین ،مرزا عالم بیگ کوئٹہ ٹائون ایڈمنسٹریٹر ،محمود صدیقی ایڈمنسٹریٹر کے ایم سی یونائٹیڈ ورکرز ،طہارت علی خان سی او کونسیٹ ون ،شاہد رسول سی او کراس چیک مارکیٹنگ،راحت شاہ ڈائریکٹر فرنٹ لائن ،محمود پاریکھ سی او ایم سی ایم ،ابن حسن نیشنل بینک ،محمد آصف سی او ڈپلومیٹک میگزین ،محمد امجد جوائنٹ ایڈمنسٹریٹر روزنامہ امت، لیاقت عبد اللہ ،معاذ لیا قت، ہمدرد کے عامر سعید، ڈاکٹر قیصر سجاد، بلدیہ عظمی کراچی کے سابق ڈائریکٹر میڈیا علی حسن ساجد ،میو نسپل کمشنر کے میڈیا کو آرڈینٹر اطہر اقبال اے پی این ایس کے نجم الدین شیخ، جسارت کے کارکنوں، پرنٹ اور الیکٹرونک میڈیا سے تعلق رکھنے والے صحافیوںاور مختلف شعبہ ہائے زندگی سے تعلق رکھنے والے افراد نے کثیر تعداد میں شرکت کی۔جسارت کے چیف ایڈیٹر اطہر ہاشمی نے تقریب میں شرکت کرنے والے تمام افراد کا شکریہ ادا کیا اور کہا کہ جسارت کا یوم تاسیس اس لحاظ سے بہت اہم ہے کہ وہ 12ربیع الاول کا دن تھا اور اس مقدس دن جسارت کا اجراء ہوا ، میں جسارت کے تمام کارکنوں اور قارئین کو اس حوالے سے مبارکباد پیش کرتا ہوں۔ اس موقع پر جسارت کے چیف ایگزیکٹو ڈاکٹر واسع شاکر نے کہا کہ جسارت ایک فیملی کی طرح ہے۔ انہوں نے تقریب کے شرکا بالخصوص مہمانوں اور کارکنان جسارت کا شکریہ ادا کیا جن کی انتھک محنت اور جدوجہد کے نتیجے میں آج جسارت اپنا49واں یوم تاسیس منا رہا ہے۔انہوں نے کہا کہ جسارت نے اپنے سفر کا آغاز سچائی اور حق گوئی کے ساتھ کیا تھا، آج جسارت کے 49 برس مکمل ہو گئے ہے ۔انہوں نے کہا کہ گولڈن جوبلی کے حوالے سے جسارت کے زیر اہتمام پورے سال تقریبات کا سلسلہ جاری رہے گا۔
