قاسم آباد میں کتوں اور مچھروں کی بہتات کا تدارک کیا جائے، شاہد سومرو

حیدر آباد (اسٹاف رپورٹر) نیو وحدت کالونی ایکشن کمیٹی کے چیئرمین شاہد سومرو نے کہا ہے کہ قاسم آباد میں کتوں اور مچھروں کی بہتات ہے، رات کے وقت کتے سڑکوں پر دندناتے پھرتے ہیں اور آنے جانے والوں کے لیے کسی عذاب سے کم نہیں۔ قاسم آباد میونسپل کمیٹی فوری طور پر شیدی گوٹھ، سحرش نگر، نیو وحدت کالونی، خالد سوسائٹی، فیز ون اور فیز ٹو قاسم آباد، نسیم نگر شورو گوٹھ سمیت دیگر علاقوں میں کتا مار مہم چلائے۔ انہوں نے کہا کہ مذکورہ علاقوں میں برسات، سیوریج کا پانی جمع ہونے کے باعث مچھروں کی بہتا ت ہے، جو مختلف بیماریوں کا باعث بن رہے ہیں۔ شاہد سومرو نے قاسم آباد میونسپل کمیٹی کے باہر علاقہ مکینوں سے بات چیت کرتے ہوئے حکام بالا سے مطالبہ کیا کہ فوری طور پر مذکورہ علاقوں میں مچھر اور کتا مار مہم چلائی جائے۔