حیدر آباد (اسٹاف رپورٹر) انسداد تجاوزات سیل بلدیہ نے اسسٹنٹ کمشنر لطیف آباد کی سرکردگی میں سرکاؤس جی جہانگیر انسٹیٹیوٹ آف سائیکالوجسٹ (میٹل اسپتال‘ گدو پاگل خانے) کی عقبی سڑک پر دوسرے روز بھی کارروائی کرتے ہوئے مزید چھے بنگلے مسمار کردیے۔ کارروائی سندھ ہائی کورٹ کے احکامات کی روشنی میں کی جارہی ہے۔ اسسٹنٹ کمشنر لطیف آباد فراز صدیقی نگرانی کررہے ہیں۔ قاضین نے پاگل خانے کی عقبی گلی پر قبضہ کرکے تعمیر ات کرکے سڑک بند کر رکھی تھی۔ کارروائی کے دوران عملے نے قابضین سے اسپتال کے کئی کوارٹرز سے قبضہ ختم کراکے الائٹیز کے حوالے کردیے۔ سڑک واگزار کرانے کے لیے کئی منزلہ عمارتوں کو خالی کرنے کے لیے دو روز کی مہلت دی گئی ہے۔ اس دوران پولیس کی بھار ی نفری موجود تھی جبکہ ڈپٹی کمشنر عائشہ ابڑو نے دورہ کرکے کی گئی کارروائی کا جائزہ لیا۔
خوش آمدید! اپنے اکاؤنٹ میں لاگ ان کریں
اپنا پاسورڈ ريکور کريں
© Jasarat All Rights Reserved