حیدر آباد (اسٹاف رپورٹر) ڈایواسیس آف حیدر آباد چرچ آف پاکستان کے مسیحی مذہبی رہنما بشپ کلیم جان نے اپنے زیر انتظام مختلف اسکولوں کا دورہ کرتے ہوئے اساتذہ سے کہا کہ وہ تعلیمی معیار کو مزید بہتر بنائیں، لگن، محنت ذمے داری کے ساتھ اپنے اپنے تعلیمی فرائض اعلیٰ اخلاق وکردار اور عمل سے بلا تفریق رنگ ونسل جاری رکھیں۔ انہوں نے کہا کہ ملک بھر میں مسیحی تعلیمی ادارے تعلیم کے شعبہ میں بلا تفریق نمایاں کردار ادا کررہے ہیں، ہم نے ملک میں نامور شخصیات پیدا کیں۔
