کوئٹہ میں موسم سرد، حیدرآباد میں بھی سرد ہوائوں کا راج

حیدر آباد (اسٹاف رپورٹر) کوئٹہ میں موسم سرد ہونے سے حیدرآباد میں بھی سرد ہوائوں کا راج، تیز ٹھنڈی ہواؤں نے سردی کی نوید سنا دی، تاہم شہر میں مٹی دھول نے سانس کے مریضوں کا جینا دشوار کردیا۔ کوئٹہ میں موسم سرد ہونے کے بعد اس کا اثر حیدر آباد پر بھی پڑا اور جمعہ اور ہفتے کی درمیانی شب سے چلنے والی تیزاؤں نے سردی کی نوید سنادی ہے۔ اکتوبر کے مہینے میں اچانک تیز سرد ہواؤں نے شہریوں کو حیران کردیا۔ شہر میں مٹی دھول نے نزلہ، کھانسی کے ساتھ ساتھ سانس کے مریضوں کے لیے شدید مشکلات پیدا کردی ہیں۔