قیدیوں کے علاج معالجے کی تمام سہولیات کی فراہمی کو یقینی بنایا جائے، مہراب گل مہمند

حیدر آباد (اسٹاف رپورٹر) پی ٹی آئی کے رہنما مہراب گل مہمند نے کہا ہے کہ وزیر اعظم دو نہیں ایک پاکستان کے نعرے کو عملی جامہ پہنانے کے لیے پاکستان بھر کی جیلوں میں قیدیوں کے علاج معالجے کی وہ تمام سہولیات کی فراہمی کو یقینی بنائیں جو کہ اشرافیہ اور بااثر افراد کو میسر ہے۔ ملک بھر کی جیلوں میں قیدی مہلک جان لیوا بیماریوں میں مبتلا ہیں، انہیں صحت انصاف کارڈ فراہم کرکے بہترین طبی سہولیات فراہم کی جائیں۔ آئین پاکستان کی رو سے تمام شہری یکساں حقوق اور برابری کے شہری ہیں، جیلوں میں قیدیوں کو واٹر پیوری ویکشن پلانٹ کے ذریعے صاف پانی کی فراہمی سے بیماریوں سے بچایا جائے۔