بنوں‘ شمالی وزیرستان میں دھماکے‘2سیکورٹی اہلکار شہید

بنوں(اے پی پی) شمالی وزیرستان میں2 بارودی مواد کے دھماکے ہوئے،جس میں2سیکورٹی اہلکار شہید جبکہ2زخمی بھی ہوگئے۔ ذرائع کے مطابق پہلا دھماکا شمالی وزیر ستان کی تحصیل میرعلی میں ہوا جہاںپر نامعلوم افراد نے تخریب کاری کی غرض سے بارودی مواد رکھاتھا کہ اچانک پھٹ گیا جس کے نتیجے میں سپاہی انصار مہدی، سپاہی شفقت شاہ شہید جبکہ حوالدار مرتضیٰ زخمی ہوگیا۔ دوسرا دھماکا شمالی وزیرستان کی تحصیل دوسلی میں ہوا، وہاں بھی پہلے سے نصب بارودی موادکے دھماکے سے ایک سیکورٹی اہلکار زخمی ہوگیا، جسے ملٹری اسپتال منتقل کردیا گیا، واقعے کے بعد سیکورٹی فورسز نے سر چ آپریشن شروع کردیا۔