آپ کی حیات طبیہ ہمارے لیے مشعل راہ ہے، پروفیسر شیر خان سیلرو

حیدر آباد (اسٹاف رپورٹر) گورنمنٹ کالج کے زیر اہتمام سیرت النبیﷺ کانفرنس سے خطاب کرتے ہوئے پرنسپل پروفیسر شیر خان سیلرو نے کہا کہ آپﷺ کی حیات طبیہ ہمارے لیے مشعل راہ ہے اور تمام عالم کے لیے آپﷺ رحمت ہیں۔ ڈاکٹر پرویز اقبال نے کہا کہ آپﷺ کی ذات اقدس اکمل ہے، ضرورت اس امر کی ہے کہ آپﷺ کے نقش قدم پر چلنے کی کوشش کی جائے۔ اس موقع پر حافظ افضل، پروفیسر وکیل الدین قاضی، ڈاکٹر وجیہہ الحسن صدیقی، پروفیسر شادات صدیق نے بھی خطاب کیا۔ پروگرام کے آخر میں طلبہ کی حوصلہ افزائی کے لیے وقاص امتیاز، محمد مدثر، محمد بلال اور عادل حسین ودیگر کو تحائف تقسیم کیے گئے۔