اسلام آباد: وزیر اعظم عمران خان کا کہنا ہے کہ بھارت میں ہندووتوا اور فاشسٹ نظریات کا غلبہ ہوتا جارہا ہے جبکہ بھارتی آرمی چیف کےبیانات جعلی آپریشن سےمتعلق خدشات میں اضافہ کررہےہیں۔
وزیر اعظم عمران خان نے سماجی ربطہ ویب سائٹ ٹیوٹر پر اپنا پیغام جاری کرتے ہوئے کہا ہے کہ مودی حکومت نے ہندوستان کو پچھلے 5 سالوں میں فاشسٹ نظریہ کی طرف راغب کیا ہے جبکہ ہندوستان ہندووتوا بالاستی کے ساتھ ہندوراشٹراکی جانب بڑھ رہاہے۔
مودی سرکار کے گزشتہ 5 سالہ دورحکومت میں نسلی بالادستی کےسفاک نظریے ہندوتوا کے سائےمیں بھارت کا رخ ہندوراشٹرا کی جانب موڑا گیا۔ قانونِ شہریت میں ترمیم کے بعد تو تکثیری اوصاف کے حامل ہندوستان کے خواہاں بھارتی بھی احتجاج کی راہ پرچل نکلے ہیں اورہندوستان میں ایک بڑی تحریک ابھررہی ہے.
— Imran Khan (@ImranKhanPTI) December 21, 2019
انہوں نے شہریت کےمتنازع قانونی بل حوالے سے کہا کہ وہ تمام ہندوستانی جو سوشلزم پر یقین رکھتے ہے وہ ہندوستان میں موجود انتہا پسند ہندوں کے خلاف احتجاج کر رہے ہیں جبکہ یہ احتجاج ایک تحریک کی شکل اختیار کر چکا ہے۔ بھارت میں بڑھتے ہوئے مظاہرے پاکستان کی سلامتی کے لیے بھی ایک بڑا خطرہ ہے۔
میں ایک عرصے سے اقوام عالم کو اس صورتحال سےمتنبہ کررہا ہوں اور آج ایک مرتبہ پھر دہراتا ہوں کہ: اگر ہندوستان اپنےاندرونی خلفشارسے توجہ ہٹانے اورہندو قومیت کےجذبات مشتعل کرنےکیلئے ایسی کسی بھی کارروائی کاسہارا لیتا ہےتو پاکستان کے پاس منہ توڑ جواب دینے کے علاوہ کوئی چارہ نہ ہوگا۔
— Imran Khan (@ImranKhanPTI) December 21, 2019
بھارت میں ہندووتوا اور فاشسٹ نظریات کا غلبہ ہوتا جارہا ہے جبکہ بھارتی آرمی چیف کےبیانات جعلی آپریشن سےمتعلق خدشات میں اضافہ کررہےہیں۔اگر بھارت کی جانب سے داخلی انتشارسے توجہ ہٹانے کے لئے کوئی کارروائی کی گئی تو پاکستان اسکا بھرپور جواب دے گا۔پاکستان عالمی برادری کو بھارتی رویے سے متعلق آگاہ کررہا ہیں۔
انہوں نےمزید کہا کہ مقبوضہ کشمیرمیں کرفیواٹھانےکےبعدخونی فسادات کاخدشہ ہے۔
