پاکستان و ایران مشکلات میں ہمیشہ ایک دوسرے کی مدد کریں گے، جوائنٹ بارڈر کمیشن کا مشترکہ اعلامیہ

کوئٹہ (صباح نیوز) پاک ایران جوائنٹ بارڈر کمیشن کے اجلاس میں اتفاق کیا گیا ہے کہ پاکستان اور ایران بہترین ہمسایہ ممالک ہیں اور مشکلات میں ہمیشہ ایک دوسرے کی مدد کریں گے۔ کوئٹہ میں پاک ایران جوائنٹ بارڈر کمیشن کے 23 ویں اجلاس کے اختتام پر مشترکہ اعلامیے میں اس بات پر بھی اتفاق کیا گیا کہ پاکستان اور ایران دونوں کو تجارتی و معاشی سرگرمیوں کو فروغ دینے کی بھی ضرورت ہے جس سے مقامی لوگ اور کاروباری طبقے کی معاشی حالت مستحکم ہوگی اور کاروبار کے نئے مواقع بھی میسر ہوں گے۔