گوادر کی بندرگاہ سے پہلی بار افغانستان کے لیے تجارتی سامان کی ترسیل شروع ہو گئی ہے۔
منگل کے روز ڈیالا فنافوٹی نامی بحری جہاز دبئی کی بندرگاہ سے افغان ٹرانزٹ ٹریڈ کا سامان لے کر گوادر کی بندرگاہ پر لنگر انداز ہوا جہاں چینی کمپنی اور پاکستانی حکام نے جہاز کا استقبال کیا۔
اس سے قبل افغان تجارتی راہداری کا سامان کراچی کی بندرگاہ کے ذریعے لایا جاتا تھا۔ دو کنٹینرز میں لائی گئی کھاد کو کسٹم کلیئرنس کے بعد گوادر سے بذریعہ سی پیک روٹ سے افغانستان روانہ کیا جائےگا۔
