ایران میں کورونا وائرس کے پہلے واقعے کی تصدیق کردی گئی

تہران (مانیٹرنگ ڈیسک) ایران میں کورونا وائرس کے پہلے واقعے کی تصدیق کردی گئی، ایرانی وزیر صحت کا کہنا ہے کہ دو بزرگ افراد میں وائرس کی تشخیص ہوئی، دونوں افراد پر جانچ کی جارہی ہے، حتمی نتائج کا اعلان بعد میں کیا جائیگا۔ تفصیلات کے مطابق ایرانی محکمہ صحت کے حکام نے ملک میں کرونا وائرس کے پہلے واقعے کی تصدیق کردی ہے ، اگرچہ ان کا کہنا ہے کہ حتمی پیشہ ورانہ رائے کو مزید جانچوں کے بعد سامنے لایا جائے گا۔ایرانی نائب وزیر صحت کابدھ کے روز وسطی شہر قم کا سفر کرنے کے بعد ان خبروں کے حوالے سے کہا تھا کہ دو بوڑھے افراد کو کورونا وائرس کا مثبت تجربہ کیا گیا ہے۔ قاسم جنبابئی نے کہا کہ ان دونوں پر تکمیلی جانچ پڑتال جاری ہے اور حتمی نتائج محتاط غور و خوض کے بعد سامنے آئیں گے۔انہوں نے کہا کہ قم کا ایک اسپتال ایسے لوگوں کے لیے وقف کیا گیا ہے جن لوگوں میںکورونا وائرس کے مرض کا شبہ ہے۔انھوں نے کہا کہ شہر میں دوسرا اسپتال کسی بھی طرح کی ہنگامی صورتحال کے لیے تیار ہے۔ انکا کہنا تھا کہ یہ دونوں افراد اب الگ تھلگ ہیں، قم کے دو الگ الگ محلوں میں رہ رہے تھے اور اس شہر کی آبادی دس لاکھ سے زیادہ ہے۔ انھوں نے مزید کہا کہ وہ کبھی بھی کسی بھی غیر ملکی ملک کو چھوڑنے کے لیے اس صوبے سے باہر نہیں آئے تھے۔ میڈیا سے گفتگو کرتے ہوئے وزارت صحت کے ترجمان نے بتایا کہ شہر میں انفلوئنزا کے بڑھتے ہوئے واقعات کی اطلاعات سامنے آنے کے بعد دارالحکومت تہران سے قم روانہ ہونے والی خصوصی ٹیموں کے ذریعہ دونوں افراد پر ٹیسٹ کیے گئے تھے۔