کورونا وائرس، سعودی حکومت نے کرفیو لگا دیا

ویب ڈیسک -
234

ریاض:سعودی عرب نے جان لیوا وائرس کے پھیلائو کے پیش نظر 21 روز کے لیے کرفیو نافذ کردیا۔

غیر ملکی خبر رساں ادارے کے مطابق سعودی عرب کے شاہ سلمان نے جان لیوا کورونا وائرس سے بچائو کے لیے حفاظتی اقدامات کرتے ہوئے 21 روز کے لیے شام 7 سے صبح 6 تک کرفیو نافذ کردیا گیا ہے۔

سعودی حکام کا کہنا ہے کہ شہریوں اور غیر ملکیوں کے تحفظ کے لیے ان کو کرفیو کے وقت اپنے گھر پر رہنے کو کہا گیا ہے۔

خیال رہے کہ سعودی عرب میں گزشتہ روز 119 نئے کیسز رپورٹ ہونے کے بعد مجموعی مریضوں کی تعداد 511 ہوگئی ہے۔

سعودی وزیر داخلہ نے کہا ہے کہ سرکاری ایجنسیز،ٹیکسیاں اور لوکل بسیں پابندی پر عمل کریں خلاف ورزی پر بھاری جرمانے کا سامنا کرنے پڑے گا۔

مزید خبریں