دنیا بھر میں کورونا وائرس نے لوگوں کو خوف میں مبتلاکردیا ہے لیکن کورونا کے خوف کو دور کرنے کیلئے ویتنام کےشیف نے صارفین کو انوکھی پیشکش کردی۔
ویتنام کے دارالحکومت ہانوئی میں ایک شیف نے کورونا وائرس تھیم کے برگر کی پیشکش کی ہے اور ان کا کہنا ہے کہ اگر کورونا وائرس کو شکست دینی ہے تو آپ کو یہ کھانا ہوگا۔ہوانگ تنگ شیف کی ٹیم نے کورونا وائرس کی مائیکرواسکوپک تصویر کی طرح ایک برگر تیار کیا ہے جس کا نام ‘کورونا برگر’ ہے۔
شیف کا کہنا ہے کہ ہم نے لوگوں میں کورونا کا ڈر ختم کرنے اور ان کے چہروں پر مسکراہٹیں بکھیرنے کیلئے برگر بنایا۔
کورونا وائرس کے پھیلاؤ کی وجہ سے ویتنام میں بھی تمام تر ریسٹورینٹس اور ہوٹل بند کیے جاچکے ہیں لیکن شیف ہوانگ تنگ یہ کورونا برگر ٹیک اوے سروس کے تحت فروخت کررہے ہیں۔
خیال رہے کہ ویتنام میں کورونا وائرس سے متاثرہ افراد کی تعداد 148 ہے جبکہ یہاں کورونا سے کوئی بھی ہلاکت سامنے نہیں آئی۔
