کراچی(رپورٹ:منیرعقیل انصاری) کورونا وائرس کےباعث کاروبار بند ہونےاوراشیا ضرورت کی قلت نے جانوروں کو بھی فاقوں پر مجبور کردیا ہے۔
منگھوپیر سےمتصل تالاب میں موجود180سے زاید مگرمچھوں کو خوراک ملنا بند ہوگئی ہے،نایاب نسل کے مگرمچھوں کو گزشتہ 24 دن سے خوارک نہیں ملی ہے۔جس کے باعث مگرمچھوں کی زندگیوں کو خطرات لاحق ہوگئے ہیں۔
تفصیلات کے مطابق سندھ حکومت میں جاری لاک ڈائون کی وجہ سے درگاہ حضرت خواجہ حسن المعروف منگھوپیر سخی سلطان مزار کی بندش اور پابندی کے باعث زائرین کے داخلے پر پابندی ہے اور گوشت نہ ملنے کی وجہ سےتالاب میں موجود 180 سے زایدمگرمچھوں کے زندگیوں کو خطرہ لاحق ہو گیا ہے۔
کراچی میں لاک ڈاؤن میں جہاں شہریوں کو کھانے کے لالے پڑے ہیں وہی منگھوپیر کے مگرمچھوں کو بھی خوراک ملنا بند ہوگیا ہے۔
نایاب نسل کےمگرمچھوں کومزار پر حاضری دینے والے زائرین کی بڑی تعداد گوشت ڈالا کرتی تھی تاہم کورونا وائرس کی وبا سے بچائو کیلئے مزارات کی بندش کی وجہ سے یہ سلسلہ منقطع ہو گیا ہے۔
اس حوالے سےمنگھوپیر کےرہائشی ومعروف سماجی کارکن عبدالغنی نےجسارت سےخصوصی بات چیت کرتے ہوئے کہا کہ لاک ڈاؤن سےقبل زائرین کی بڑی تعدادمنگھوپیر سخی سلطان کےمزار آتے تھےاور مگرمچھوں کوکھانے کیلئے گوشت ڈال جاتے تھے۔
یہ گوشت ان مگر مچھوں کی خوارک بن چکی تھی لیکن جب سے حکومت کی جانب سےمزارت داخلے پرپابندی لگی ہے ان کے خوارک کا انتظام بھی بند ہوگیا ہے۔
جس کی وجہ سے ان مگرمچھوں کو گزشتہ 24 دن سے گوشت نہیں مل سکا ہے،منگھوپیر سخی سلطان مزار کے مجاویر بھی اس تمام تر صورتحال پرافسردہ ہیں۔
ان کا مزید کہنا تھا کہ مگرمچھوں کے ساتھ یہاں مزار پر رہنے والی بیلیاں بھی گوشت نہ ملنے کی وجہ سے بھوک سےمررہی ہیں۔منگھوپیر کے مگرمچھوں کو خوراک نہ ملنے سے نایاب نسل کےمگرمچھوں کی جان کو خطرہ ہے۔
محکمہ خوراک،محکمہ اوقاف اورسندھ حکومت کی عدم توجہی اور درگاہ حضرت خواجہ حسن المعروف منگھوپیر سخی سلطان مزار کی بندش اور پابندی کے باعث زائرین عقیدت مندوں کے نہ آنے سے تالاب میں موجود بےزبان مگرمچھ اپنے بھوک کی شکایت کسی سے نہیں کر پا رہے ہیں۔
اس حوالے سےمنگھوپیرمزارکے مجاویر نےوفاقی اور سندھ حکومت سے خواجہ حسن المعروف منگھوپیر سخی سلطان مزارمیں موجود نایاب نسل مگرمچھوں کی جان کی تحفظ کے لئے ہنگامی بنیادوں پر خوراک کےانتظام کرنے کا مطالبہ کیاہے۔
