کانگو میں سیلاب سے متاثرہ افراد کی پاک افواج کی جانب سے امداد کرنے پراقوام متحدہ نے پاکستان کوخراج تحسین پیش کیا
غیر ملکی خبررساں ادارے کے مطابق اقوام متحدہ کے ترجمان نے کانگو میں پاکستانی افواج کا سیلاب زدگان کی امداد کو سراہتے ہوئے کہا کہ پاکستان نے دنیا میں امن و امان کو قائم رکھنے میں ہمارا ہر ممکن ساتھ دیا ہے۔
انہوں نے کہا کہ پاکستان ادارے کے بہترین معاونین میں سے ایک ہے۔
اقوام متحدہ نے پاک فوج کی کانگو میں امدادی کارروائیوں کو خراج تحسین پیش کرتے ہوئے آئی ایس پی آر کی ویڈیو ٹویٹ کی جس میں افواج کو سیلاب زدگان کی امداد کرتےہوئے دکھایا گیا ہے۔
خیال رہے کہ حالیہ دنوں میں کانگو کے اویرا ریجن میں شید سیلاب آیا تھا جسکے باعث 75 ہزار سے زائد افراد متاثر ہوئے اور ہزاروں کی تعداد میں گھروں کو نقصان پہنچا۔ پاک فوج نے سیلاب میں پھنسے 2000 سے زائد لوگوں کی جانیں بچائی اور متاثرہ آبادی کو ادویات و خوارک بھی فراہم کیں۔
