دنیا بھر میں کورونا وائرس کے پھیلاؤ کے سبب سرجیکل ماسک کا استعمال عام ہوچکا ہے۔ کورونا سے بچاؤ کے لیے لوگوں نے سرجیکل ماسک کو اپنی زندگی کا حصہ بنا لیا ہے۔
کھانا کھانے یا پانی پینے کے دوران سرجیکل ماسک کو چہرے سے ہٹنا پڑتا ہے۔ اس مشکل کو ختم کرنے کے لیے اسرائیل کے سائنس دانوں نے ریموٹ کنٹرول سرجیکل ماسک متعارف کرا دیا ہے۔
غیر ملکی میڈیا کے مطابق ریموٹ کنٹرول ماسک کو کھانا کھانے اور پانی پینے کے دوران بھی چہرے پر پہن کر رکھا جاسکتا ہے۔
اس ماسک کو کھولنے اور بند کرنے کے لیے ایک ریموٹ ہے جسے ہاتھ کی مد سے چلا کر کھانا کھاتے وقت ماسک کو کھولا اور بند کیا جا سکتا ہے۔ جیسے ہی کوئی شخص ماسک پہنے ہوئے کھانا کھا رہا ہوگا تو اسے ہاتھ میں موجود ریموٹ کا استعمال کرنا ہوگا جس سے فوراً ماسک کھل جائے گا اور وہ شخص نوالا اپنے منہ میں ڈال سکے گا۔
