کیلفورنیا: کورونا وائرس اور لاک کے دوران کارباری حضرات کیلئے سماجی رابطوں کی معروف ویب سائٹ فیس بک چھوٹے کاروبار کو فروغ دینے کیلئے اہم ترین فیچر ” شاپس” متعارف کرا دیا۔
بانی فیس بک مارک زکربرگ نے نئے فیچر کے بارے میں بتاتے ہوئے کہا ہےکہ وبائی صورتحال کے دوران ای کامرس کی توسیع معیشت کی دوبارہ تعمیر کیلئے بہت ضروری ہے۔ہم نے کورونا وبا کے دوران متعدد چھوٹے کاروباروں کو پہلی بار آن لائن بزنس کا حصہ بنتے دیکھا۔ اگر آپ دکان یا ریسٹورنٹ کو کھول نہیں سکتے، تب بھی آن لائن آرڈرز لے کر سامان لوگوں تک پہنچا سکتے ہیں۔
خیال رہے کہ فیس بک کا یہ نیا فیچر اس وقت متعارف کرایا گیا ہے جب مختلف ممالک میں لاک ڈاؤن کی وجہ چھوٹے کاروباری اداروں کو بہت نقصان اٹھانا پڑا تو وہیں ای کامرس وے وابستہ کمپنیوں کی فروخت میں ریکارڈ اضافہ ہوا۔
واضح رہے کہ فیس بک کو اس نئے فیچر کے باعث اشتہارات کی شکل میں نئے مواقع مل سکیں گے۔
