اسمارٹ فون کی بیٹری جلد ڈیڈ ہوجانے سے پریشان صارفین کے لیے خوشخبری ہے کہ اب 15 منٹ کے اندر موبائل فون چارج کرنے والا چارجر متعارف کرایا جارہا ہے۔
تفصیلات کے مطابق نیا تیز رفتار چارجر متعارف ہونے کے بعد صارفین اسمارٹ فونز 15 منٹ سے کم عرصے میں مکمل طور پر اپنا فون ری چارج کرسکیں گے۔
کوئیک چارج فائیو کے لیے مطابقت رکھنے والے فونز میں سام سنگ گلیکسی ایس 20 فائیو جی، ایل جی وی 30 اور نوکیا 8 شامل ہیں علاوہ ازیں پرانے فوری چارج آلات نئے چارجنگ سسٹم کے ساتھ بھی کام کریں گے۔
ایپل کی فاسٹ چارجنگ ٹیکنالوجی فی الحال آئی فونز کو 30 منٹ میں سے 50 فیصد چارج حاصل کرنے کی اجازت دیتی ہے۔
کوالکم کا کوئیک چارج 5 فونز کو صرف پانچ منٹ میں 0 سے 50 فیصد تک چارج کرنے کے ساتھ ساتھ صارفین کے لیے حفاظتی اقدامات میں نئی خصوصیات متعارف کرائے گا۔
