ڈکیتی کی واردات میں ملو ث ملزم شہباز اسلحہ سمیت گرفتار

حیدرآباد(اسٹاف رپورٹر) لطیف آبا د بی سیکشن پولیس کی کارروائی۔ ڈکیتی کی واردات میں ملو ث ملزم شہباز اسلحہ سمیت گرفتار۔ پولیس نے دوران گشت HDA چوک یونٹ نمبر 9 لطیف آباد کے قریب مخفی اطلاع پر کارروائی کرتے ہوئے ملزم شہباز احمد ولد ناظم احمد چشتی
کو 1 عدد 30 بور پسٹل بمعہ 3 راؤنڈز سمیت گرفتار کرلیا۔ابتدائی تفتیش سے معلوم ہوا کہ گرفتار ملزم نیو کراچی کا رہائشی اور ڈکیت گروپ سے تعلق رکھتا ہے جس نے اپنے ساتھی ڈکیت کیساتھ ملکر مورخہ 2020-04-24 کو تھانہ B-سیکشن کی حدود لطیف آباد نمبر 9 میں قائم زین جنرل اسٹور پر ڈکیتی اور دوران ڈکیتی دوکان کے مالک نجم الدین کو مزاحمت پر زخمی کیا تھا جس کا کرائم نمبر تھانہ B-سیکشن میں 92/2020 زیر دفعہ 393,397 تعزیرات کے تحت درج ہے۔ گرفتار ملزم کے خلاف تھانہ B-سیکشن میں مقدمہ درج کرلیا گیا۔