بارش کیساتھ ہی بجلی غائب درجنوں ،فیڈر ٹرپ،شہریوں کا کے الیکٹرک کے دفتر پر دھاوا

کراچی (نمائندہ جسارت)کراچی میں لوڈ مینجمنٹ اور منٹیننس کے نام پر بجلی کی بدترین لوڈ شیڈنگ جاری ہے۔کے الیکٹرک نے بن قاسم پاور پلانٹ میں پھر خرابی کوجواز بنا کر 1100فیڈرز پر لوڈ شیڈنگ کے دورانیے میں طویل اضافہ کردیا۔ بارش میں صورتحال مزید خراب ہوگئی اور کے الیکٹرک کے مزید 40 فیڈر ٹرپ ہوگئے۔فیڈر ٹرپ ہونے سے ناظم آباد، اورنگی ٹاؤن م نارتھ ناظم آباد، نیوکراچی، لیاقت آباد، نصرت بھٹو کالونی، سہراب گوٹھ، گلشن اقبال، گلشن حدید، رزاق آباد، گڈاپ، کاٹھور میں بجلی کی فراہمی معطل ہوگئی۔گارڈن میں لوڈ شیڈنگ کے ستائے شہریوں نے کے الیکٹرک دفتر پر دھاوا بول دیا۔ مشتعل مظاہرین نے کے الیکٹرک کے دفتر میں گھسنے کی کوشش کی اور گارڈز سے ہاتھا پائی ہوئی۔ مظاہرین نے گاڑیوں کے شیشے توڑ دیے اور شدید احتجاج کیا۔