گوگل ڈرائیو میں بڑی تبدیلی

گوگل کی جانب سے گوگل ڈرائیو کے ٹریش میں بڑی تبدیلی کی جا رہی ہے جس کے تحت ٹریش میں موجود فائلز 30 دن کے بعد خود بخود ڈیلیٹ ہو جائیں گی۔
غیر ملکی خبر رساں ادارے کے مطابق گوگل ڈرائیو کے ٹریش کی یہ اپ ڈیٹ 13 اکتوبر سے تمام صارفین کے لیے ہوگی جس کے تحت ٹریش میں موجود فائلز 30 دن کے بعد خود بخود ختم ہوجائیں گی۔
اس اپ ڈیٹ سے قبل گوگل ڈرائیو کے ٹریش میں موجود فائلز اس وقت تک ڈیلیٹ نہیں ہوتی تھیں جب تک آپ اسے خود ڈیلیٹ نہ کردیں۔
گوگل انتظامیہ کی جانب سے صارفین کو 25 دن کی مہلت دی گئی ہے کہ اگر ان کے گوگل ڈرائیو ٹریش میں کوئی ضروری فائل موجود ہے تو وہ اسے اب بھی ری اسٹور کر سکتے ہیں۔
13 اکتوبر کے بعد آپ کے گوگل ڈرائیو ٹریش میں موجود تمام تر فائلز خودبخود ڈیلیٹ ہو جائیں گی۔