انسداد دہشتگردی کی عدالت نے پی ٹی وی پارلیمنٹ حملہ کیس میں عمران خان کی بریت کی درخواست پردوبارہ دلائل طلب کر لیے جب کہ پی ٹی آئی کے مرکزی رہنماؤں کو حاضری سے استثنیٰ دے دیا۔
تفصیلات کے مطابق وکیل عمران خان نے عدالت کے سامنے موقف اپنایا کہ وزیراعظم عمران خان کی بریت کی درخواست پر دیے گئےدلائل کو 6ماہ سےزائدعرصہ گزرچکا اس لیے عدالت عمران خان کی بریت کی درخواست پر دوبارہ دلائل دینے کا موقع دے۔
انسداد دہشتگردی کی عدالت کے جج راجا جواد عباس حسن نے دوبارہ دلائل کی استدعا منظور کر تے ہوئے 19 اکتوبر کو دوبارہ دلائل دینے کی ہدایت کردی۔
وزیرخارجہ شاہ محمود قریشی اور وزیردفاع پرویزخٹک،جہانگیرترین اور اسدعمرسمیت دیگرکی حاضری سے استثنا کی درخواستیں بھی منظور کرلی گئیں۔
انسداد دہشتگردی عدالت نے19 نومبر 2019 کو وزیراعظم کی بریت کی درخواست پر فیصلہ محفوظ کیا تھا۔
