لاہور (نمائندہ خوصی) قومی کپ ٹی ٹوئنٹی سیکنڈ الیون کے 5ویںروز سندھ اور سینٹرل پنجاب نے اپنے اپنے میچز جیت لئے۔پیرکے روزقذافی ا سٹیڈیم لاہور میں کھیلے گئے پہلے میچ میں سندھ کی ٹیم نے شاہنواز کی عمدہ بولنگ کی بدولت ناردرن کی ٹیم کو 6 رنز سے ہرا دیا۔ مطلوبہ ہدف کے تعاقب میں ناردرن کی ٹیم مقررہ20 اوورز میں 9 وکٹوں کے نقصان پر 143 رنز بناسکی۔ شاہنواز نے 19 رنز کے عوض 4 کھلاڑیوں کو آوٹ کیا۔ تیمور سلطان 54 رنز بناکر نمایاں رہے۔ اس سے قبل ناردرن کی ٹیم نے ٹاس جیت کر پہلے فیلڈنگ کا فیصلہ کیا ، سندھ کی ٹیم نے بیٹنگ کرتے ہوئے مقررہ 20 اوورز میں 7 وکٹوں کے نقصان پر 149 رنزبنائے۔سیف اللہ بنگش اور رمیز عزیز 32،32 رنز بنا کر نمایاں رہے۔ ناردرن کے اطہر محمود نے 3 وکٹیں حاصل کیں۔ دوسرے میچ میں سنٹرل پنجاب نے خیبرپختونخوا کوسنسنی خیز مقابلے کے بعد 8 رنز سے شکست دے دی۔