طالبان نے کہا ہے کہ ہم امید کرتے ہیں کہ امریکی صدارتی انتخابات میں ڈونلڈ ٹرمپ کی جیت ہو اور وہ امریکی فوج کو افغانستان سے نکالیں۔
غیر ملکی نیوز ایجنسی کے مطابق طالبان کے ترجمان ذبیح الله مجاہد نے امریکی ٹیلی ویژن چینل سی بی ایس نیوز کو انٹرویو دیتے ہوئے اس امید کا اظہار کیا کہ 3 نومبر کو انتخابات میں صدر ٹرمپ کامیاب ہوں گے اور افغانستان سے امریکی فوجیوں کو نکالیں گے۔
ایک اور طالبان رہنما نے سیبیایس نیوز سے گفتگو کرتے ہوئے ٹرمپ کے کورونا میں مبتلا ہونے پر تشویش کا اظہار کیا۔ انہوں نے کہا کہ شائد ٹرمپ دوسروں کی نظر میں بیوقوف ہوں تاہم طالبان کیلئے ایک سمجھدار شخص ہیں۔
