متحدہ عرب امارات کے مقامی فٹبالر اہل خانہ سمیت ٹریفک حادثے میں جاں بحق ہوگئے۔
گلف نیوز کے مطابق 27 سالہ فٹبالر سلطان سیف ابوظہبی میں خوفناک ٹریفک حادثے کا شکار ہوگئے۔
فٹبالر کار میں بیٹے اور اہلیہ کے ساتھ جارہے تھے کہ راستے میں ان کی گاڑی ٹرالر سے ٹکرا گئی جس کے نتیجے میں فٹبالر اور ان کا بیٹا موقع پر ہی دم توڑ گئے۔
ان کی اہلیہ کو فوری طور پر اسپتال منتقل کیا گیا جہاں وہ زخموں کی تاب نہ لاتے ہوئے چل بسی۔ڈاکٹرز کا کہنا ہے کہ انہیں تشویشناک حالت میں اسپتال لایا گیا جو جانبر نہ ہوسکیں۔
فٹبالر نے 10 جون 1993 کو کیریئر کا آغاز کیا اور مختلف کلبز کی جانب سے کھیلتے رہے۔وہ گزشتہ سال سیکنڈ ڈویژن میں سب سے زیادہ گول اسکور کرنے والے پلیئر تھے۔
