بلوچستان کے صوبائی دارلحکومت کوئٹہ اور گردونواح میں شدید زلزلے کے جھٹکے محسوس کیے گئے ہیں.
تفصیلات کے مطابق کوئٹہ، بوستان، مستونگ، ہرنائی، پشین، دکی اور گردونواح میں زلزلے کے جھٹکے محسوس کیے گئے، زلزلہ پیما مرکز کے مطابق زلزلے کی شدت ریکٹر اسکیل پر 5.2 ریکارڈ کی گئی جبکہ گہرائی 10 کلو میٹر تھی.
زلزلے کے باعث شہریوں میں شدید خوف وہراس پھیل گیا اور لوگ کلمہ طیبہ کا ورد کرتے ہوئے گھروں سے باہر نکل آئے.
دوسری جانب نجی ٹی وی کے مطابق زلزلے کے نتیجے میں کسی جانی ومالی نقصان کی اطلاع نہیں ملی.
