دلبرداشتہ سمیع اسلم نے پاکستانی کرکٹ کو خیرباد کرنے کا فیصلہ کرلیا اور وہ آئندہ چند روز میں امریکہ کے لیے روانہ ہوجائیں گے.
میڈیا رپورٹس کے مطابق ٹیسٹ کرکٹر سمیع اسلم نے قومی ٹیم میں منتخب نہ ہونے پر مایوسی کا اظہار کرتے ہوئے قائد اعظم ٹرافی کے بقیہ میچز نہ کھیلنے کا فیصلہ کرلیا ہے تاہم قومی کرکٹ چھوڑنے سے متعلق حتمی اعلان آئندہ چند روز میں کریں گے.
رپورٹس کے مطابق سمیع اسلم نے یو ایس اے کرکٹ بورڈ سے 3 سال کا معاہدہ کرلیا اور ان کو ایکسٹرا آرڈنری ابیلیٹی ویزہ کیٹگری کے تحت امریکی ایمیگریشن ملی ہے جس کے تحت قومی کرکٹر کا 10 دن بعد امریکہ جانے کا امکان ہے.
قومی کرکٹر سمیع اسلم نے پی سی بی کو باضابطہ طور پر خط کے ذریعے آگاہ بھی کردیا ہے جس میں انہوں نے کہا ہے کہ بیرون ملک مصروفیات کے باعث کرکٹ نہیں کھیل سکتا.
واضح رہے کہ ٹیسٹ کرکٹر سمیع اسلم نے دورہ نیوزی لینڈ کے لیے منتخب نہ ہونے پر سماجی رابطے کی ویب سائٹ ٹوئٹر پر مایوسی کا اظہار کرتے ہوئے کہا کہ کار کردگی دکھانے کے باوجود دورہ نیوزی لینڈ کے 35 رکنی کھلاڑیوں میں میرا نام نہیں.
Disappointed that I didn't get any chance to be in 35players for NZ tour and last UK tour,even after good last QeD 2019-20trophy, I was one of the most run makers, scored 864 runs(4 100's) average of 78,
dropped from the Test squad after not getting a game in my last UK tour 2018— Sami Aslam (@Samiaslam999) November 11, 2020
