لاہور،سی ٹی ڈی تھانے پر حملہ ناکام ،دہشت گرد ہلاک

لاہور( آن لائن )برکی روڈ پر واقع کانٹر ٹیررازم ڈپارٹمنٹ(سی ٹی ڈی)تھانے پر دہشت گرد حملے کو ناکام بنا دیا گیا ہے۔لاہور کے برکی روڈ پر واقع سی ٹی ڈی تھانے میں خود کش حملہ آور نے داخل ہونے کی کوشش کی، اس دوران شناخت پوچھنے پر دہشت گرد نے
سکیورٹی اہلکاروں پر فائرنگ شروع کردی۔ جوابی فائرنگ سے دہشت گرد مارا گیا۔ ہلاک ہونے والے دہشت گرد سے خود کش جیکٹ اور 2 دستی بم برآمد کرلیے گئے۔ بم ڈسپوزل اسکواڈ نے خودکش جیکٹ کو ناکارہ بنادیا ہے، دہشت گرد کی لاش کو میو اسپتال کے مردہ خانے منتقل کردیا گیا ہے۔ترجمان سی ٹی ڈی کا کہنا ہے کہ دہشت گرد تھانے پر حملہ کرنا چاہتا تھا، اس کی شناخت نہیں ہوسکی، معاملے کی تحقیقات کررہے ہیں،جلد نیٹ ورک کا سراغ لگا لیا جائے گا۔