حکومت کا ملتان میں آج میٹرو بس سروس بند رکھنے کا اعلان

ملتان (مانیٹرن ڈیسک) پاکستان ڈیموکریٹک موومنٹ کے جلسے کے باعث انتظامیہ نے ملتان میں آج میٹرو بس سروس بند رکھنے کا اعلان کردیا۔پی ڈی ایم کی جانب سے ہر صورت کل قلعہ کہنہ قاسم باغ میں جلسے کا اعلان کیا گیا ہے جس کے بعد سے شہر میں سیاسی پارہ ہائی ہوگیا ہے۔ ایسے میں حکومت نے ملتان شہر میں کل میٹرو بس سروس بند کرنے کا اعلان کیا ہے۔ ایڈیشنل ڈپٹی کمشنر قمر الزمان قیصرانی کا کہنا ہے کہ کل میٹرو بس سروس بند رہے گی جبکہ شہر میں چلنے والی بس سروس بھی بند رہے گی۔