بحرین کے ایک وفد نے مقبوضہ بیت المقدس کی انتظامیہ کے علم میں لائے بغیر مقبوضہ مسجد اقصیٰ کا خفیہ طور پر دورہ کیا جس سے فلسطینی حکام میں غم و غصے کی لہر دوڑ گئی۔
مقبوضہ بیت المقدس کی اسلامی وقف کونسل جو کہ مسجد اقصیٰ کے احاطے کو کنٹرول کرنے اور اس کا انتظامات سمبھالنے کا ذمہ دار ہے، کے ایک ذرائع نے یروشلم پوسٹ کو بتایا کہ بحرین سے آنے والے لوگوں کی مسجد اقصیٰ میں آمد سے ادارے کو لاعلم رکھا گیا۔
بحرینی لوگوں کی قیادت بحرینی حماد گلوبل سینٹر برائے پُرامن بقائے باہمی کے چیئرمین اور بحرینی شاہی خاندان کے ممبر شیخ خالد بن خلیفہ کر رہے تھے۔
دورے کا مقصد ابھی تک معلوم نہیں ہوسکا ہے جبکہ اس سے قبل مقبوضہ بیت المقدس کے مفتی شیخ محمد حسین نے ایک فتویٰ جاری کیا تھا جس میں اُن کا کہنا تھا کہ اُن مسلمانوں کو مسجد اقصیٰ میں نماز پڑنے کی اجازت نہیں ہے جو اسرائیل اور عرب ممالک کے باہمی تعلقات کی حمایت کرتے ہیں۔
واضح رہے بحرین اسرائیل کو تسلیم کرنے اور اُس کے ساتھ تعلقات بحال کرنے والا متحدہ عرب امارات کے بعد دوسرا ملک ہے۔
