کراچی: سندھ اسمبلی میں پیش کئے جانے والے مالی سال 16-2015 کے بجٹ میں کراچی میں کئی نئے منصوبے متعارف کرائے جائے گے۔
وزیر خزانہ مراد علی شاہ کا کہنا ہے کہ نئے بجٹ میں صوبے سندھ کے سب سے بڑے شہر کے کراچی کے لئے خاص طور پر رقم مختص کی گئی ہیں ۔
بجٹ اجلاس میں انہوں نے بتایا کہ کراچی میں سیوریج منصوبے ’’ایس تھری‘‘کیلیے1ارب روپے مختص کئے گئے ہیں اسی طرح کراچی میں پانی کی قلت کے پیش نظر کے فور منصوبہ فوری طور پر شروع کرنے کا اعلان کیا ہے اور اس کے لئے 2ارب50کروڑ روپے کی رقم مختص کردی گئی ہے۔
سندھ انسٹیوٹ آف نیورولوجی کی گرانٹ کو بڑھا کر 10 ملین روپے سالانہ کردیا گیا ہے جبکہ ایل آر بی ٹی کی گرانٹ 35 ملین روپےکردی ہے۔
شہر میں ٹرانسپورٹ کی کمی کو دور کرنے کے لئے وفاقی حکومت کے تعاون سے گرین لائن بس سروس شروع کی جائے گی جس کے باعث سرجانی ٹاؤن سےجامع کلاتھ تک مسافروں کو سفر کے زیادہ سہولیات میسر آئی گی ، اسکے علاوہ پبلک پرائیوٹ پارٹنرشپ کے تحت یلولائن بس سروس شروع کی جائےگی جسکا سفر قائد آباد سے نمائش چورنگی تک ہوگا۔
مہران ہوٹل کے قریب زیر تعمیر نصرت بھٹو انڈر بائی پاس کے لئے ساڑھے 22 کروڑ کی رقم رکھی گئی ہے اسی طرح ملیر 15 فلائی اوور جوکہ فنڈ کے باعث تعطل کا شکار ہے اس کے لئے مزید 53کروڑ مختد کئے جارہے ہیں اسی طریقے سے کورنگی کراسنگ پرفلائی اوورکیلئے10کروڑ12لاکھ روپےکی رقم رکھی گئی ہیں ۔
